İran

SEPAH Baş Müşaviri Moqaddəmfər: “Şəhid oldular, amma düşmənin son planını da puça çıxardılar”

hajiinfo

SEPAH Baş Müşaviri Moqaddəmfər: “Şəhid oldular, amma düşmənin son planını da puça çıxardılar”

Fərqli baxış xəbər verir ki, SEPAH baş komandanının müşaviri Moqaddamfər son baş verənlərlə bağlı geniş açıqlama ilə çıxış edib. O, bildirib:

“Ölkə rəsmiləri sionist rejimin İran cəmiyyətinin sosial müdafiə sisteminə qarşı əməliyyata girişəcəyini qəti bilirdilər. Gözlənilirdi ki, düşmən yumşaq müharibə ilə xalqı hakimiyyətə qarşı səfərbər etməyə çalışsın. Amma bu dərəcədə şiddət, vəhşilik və dağıdıcılıq yeni bir fenomen idi; çünki bu cür davranışlar İran xalqının milli ruhu ilə uyğun deyil və göstərir ki, başqa bir faktor döyüş meydanına daxil olub.

Bu şiddətin müxtəlif səbəbləri arasında iki məsələ xüsusilə önə çıxır: birincisi, iğtişaşlarda iştirak edənlərin bir hissəsi düşmən tərəfindən yaradılmış ciddi bir “idrak mühasirəsi”nin içində idi; elə bir mühasirə ki, onların İran‑əleyhdar media axınından kənar heç bir informasiya kanalına çıxışını faktiki olaraq məhdudlaşdırırdı.

Həmin günlərdə həbs edilən münafiqlərin dediyinə görə, bu qrupun rəhbərləri üzvlərə qəzet və digər media vasitələrinə çıxış imkanı vermir, onları sərt bir media blokadasında saxlayırdılar. Bu da onların qəribə sapmalarının və qeyri‑adi şiddətinin əsas səbəblərindən biri idi.

Bu gün kim desə ki, bəzi iğtişaşçılar da 60‑cı illərdəki həmin qrupun üzvləri kimi idrak və media mühasirəsində idilər, bəlkə bəziləri təəccüblə qarşılayar. Amma həqiqət budur ki, mahiyyət dəyişməyib, sadəcə tətbiq olunan metodlar yenilənib.

İran əleyhdarı qruplar ABŞ və bəzi Qərb dövlətlərinin texnoloji dəstəyi ilə Rəcəvinin media modelinin yeni versiyasını ortaya qoyublar. Sosial şəbəkələrin alqoritmləri də kiçik qrupları eyni şəkildə yönləndirərək onları xalqın qalanından tam kimlik və davranış ayrılığına sürükləyir.

Bu idrak mühasirəsinə işarə etmək, bu tərəfdəki media çatışmazlıqlarını inkar etmək demək deyil; amma düşmənin bu sahədəki fəaliyyətini görməməzlikdən gəlmək də mediada geri qalmaq deməkdir.

“İran‑əleyhdarların bu qədər şiddət tətbiq etməsinin ən mühüm məqsədi genişmiqyaslı “ölü sayısı yaratmaq” idi; elə ki, düşmənlər 800 min nəfər, hətta bir milyondan çox iranlının öldürülməsini hədəfləyirdilər. Bu yalnız bir analiz deyil, onların bəzilərinin etiraflarıdır və yaxınlarda mediada da yayıldı.

Onlar genişmiqyaslı öldürmə ilə, birincisi, İran İslam cümhuriyyətinin siyasi və mənəvi legitimliyini sual altına almaq, dünyaya “İran hökuməti çoxlu insanı öldürüb” deyə hay‑küylə yaymaq, ikincisi isə bu ölüləri bayraq edərək İrana qarşı hərbi əməliyyata zəmin yaratmaq istəyirdilər.

Hətta cümə axşamı gecəsi (18 dey- 8 Yanvar) – son iğtişaşlarda ən çox ölən və yaralananın olduğu gecədə belə – küçələrdə təhlükəsizlik qüvvələri silah işlətmirdilər və onlara silahdan istifadə icazəsi verilməmişdi.

Bəzi təhlükəsizlik qüvvələri ciddi şəkildə narazılıq edirdilər və deyirdilər ki, qarşı tərəf onlara atəş açır, amma onlar silahsızdırlar. Lakin onlara bildirilmişdi ki, yalnız silahlı terrorçulara qarşı və yalnız hərbi‑təhlükəsizlik mərkəzlərini qorumaq üçün silahdan istifadə oluna bilər.

Bu səbəbdən təhlükəsizlik qüvvələrinin əhəmiyyətli bir qismi məzlumcasına şəhid oldu, amma düşmənin layihəsini puça çıxardılar.

“Kütləvi qətl layihəsinin iflası” və “12 Yanvar möhtəşəm yürüşü” son fitnənin əsas məğlubiyyət amillərindən idi.

Düşmən bir neçə gecə ard‑arda elə göstərirdi ki, guya ABŞ‑ın İrana qəti hərbi hücumu an məsələsidir. Hətta həmin gecələrdən birində (14 Yanvar gecəsi) iki ABŞ B‑2 bombardmançısı bir neçə yanacaqdaşıyan təyyarə ilə birlikdə İrana doğru uçdu, lakin İrana bir saat qalmış geri döndülər və bazalarına qayıtdılar.

Düşmən İrana hücum şousu yaratmaq istəyirdi, amma həqiqətdə real hücum niyyəti yox idi. Bu addım yalnız meydandakı iğtişaşçılara ruh vermək və İranı qorxutmaq üçün nümayiş etdirilirdi.

Fərqli baxış

Leave a comment

Your email address will not be published. Required fields are marked *

Are you human? Please solve:Captcha