Təbrizdə İslam Təbliğatı İdarəsinə yeni direktor təyin olunub
Fərqli Baxış xəbər verir ki, İranın Şərqi Azərbaycan vilayətində İslam Təbliğatı İdarəsinin yeni direktoru təyin olunub.
Höccətül-islam Seyyid Həsən Əslinəjad İran İslam Təbliğatı Təşkilatının rəhbərinin qərarı ilə bu posta gətirilib və o, höccətül-islam Seyyid Mahmud Hüseyninin yerini tutub.
Əslinəjad bundan əvvəl Qurani-Kərim və Hədis şöbəsinin müdiri, Hindistanda Beynəlxalq Əl-Mustafa Universitetinin nümayəndəliyinin maliyyə işləri üzrə müavini və Təbrizdə yerləşən Beynəlxalq Əl-Mustafa Universitetinin Şərqi Azərbaycan nümayəndəliyinin tədris işləri üzrə müavini kimi vəzifələrdə çalışıb.
Rəsmi təqdimat və təhvil-təslim mərasimi 1 oktyabr çərşənbə günü saat 09:00-da vilayətin İslam Təbliğatı İdarəsinin akt zalında yerli və milli məsulların iştirakı ilə keçiriləcək.
@ferqlibaxish

