ABŞ və İsrail Qəzzədə müharibəni uduzdu – amma bu, təkcə hərbi yox, mənəvi məğlubiyyətdir
İki supergüc — biri dünyanın “demokratiya ixracatçısı”, digəri isə özünü bölgənin “yeganə müdafiə qalası” kimi təqdim edən İsrail — Qəzzədə başladığı qanlı kampaniyanın sonunda bir neçə əsiri belə xilas edə bilmədi. Bəli, iki illik əməliyyatlar, milyardlarla dollar, ağıllı bombalar, dronlar, yüksək texnologiya… nəticə? Heç nə.
Niyə uduzdular?
“ABŞ və İsrailin hərbi məqsədləri iflasa uğradı. Onlar güclə heç bir israilli əsiri azad edə bilmədi.”
Bu, təkcə hərbi texnika və planların uğursuzluğu deyil. Bu, ideoloji və strateji çöküşdür. Müharibənin əvvəlində “bir neçə həftəyə HƏMAS-ı məhv edəcəyik” deyənlər, indi atəşkəsə yalvaran tərəfə çevriliblər.
Atəşkəs? Yoxsa çıxış yolu?
Bəli, indi eyni tərəflər atəşkəsdən danışır. Niyə? Çünki bu “səlib yürüşü” uzandıqca beynəlxalq nüfuzları sürətlə yerlə-yeksan olur.
Uşaqlar ölür,xəstəxanalar dağıdılır, jurnalistlər hədəf alınır — və dünya buna artıq lal qalmır.
“Atəşkəsin qorunması onların öz maraqlarına uyğundur”
Daha doğrusu,bu bir ümidsizlik addımıdır. Onlar yorulub. Nəinki fiziki, ideoloji olaraq da tükəniblər.
Tramp nə edəcək ki, indiyə qədər etməyib?
Bəli, indi diqqətlər ABŞ seçkilərinə yönəlib. Sual sadədir:
Tramp bu dəfə fərqli nə edə bilər ki?
Əvvəllər “sülh planı” adı ilə Fələstin xalqının torpaqlarını xəritədən silmək istəyən Tramp, indi nəyin sülhünü gətirəcək?
Xatırlayaq:Tramp dövründə “Əsrin sövdələşməsi” adıyla təqdim olunan plan, əslində Fələstinin məhv planı idi. İndi isə o gəlir və “yenidən böyük sülh” vəd edir.
Bütün qırmızı xətlər keçildi
İndi dünya bir şeyin şahidi oldu: Qəzzədə “qırmızı xət” deyilən heç nə qalmayıb.
➡️Xəstəxanalar bombalandı
➡️Jurnalistlər qətlə yetirildi
➡️Təcili yardım maşınları belə vuruldu
➡️Uşaq və qadınlar hədəf alındı
Bütün bunlara “terrorçuluqla mübarizə” deyən tərəf, indi “sülh və atəşkəs” istədiyini deyir. Bu, nə qədər inandırıcıdır?
Nəticə: Məğlub olan kimdir?
Müharibənin hədəfi HƏMAS-ı məhv etmək idi. Amma nəticədə nə baş verdi?
HƏMAS təkcə yox olmadı, əksinə daha geniş təsir dairəsinə sahib oldu. İndi o, təkcə bir təşkilat deyil, qlobal müqavimət simvoluna çevrilib.
İsrail və ABŞ-ın Qəzzədə itirdiyi təkcə əsgər deyil — onlar imiclərini, iddialarını və ən əsası, “məğlubedilməzlik mifini” itirdilər.
Qarşılarında isə silahdan daha çox inamla döyüşən bir xalq və bir ideologiya var idi.
Son söz:
Bu müharibə,sadəcə bombalarla deyil, həqiqətlər və yalanlar arasında gedən savaşdır. Və görünən odur ki, yalan tərəfi uduzdu.
Sakit Məna
Təhlil şöbəsi
Fərqli baxış

