ABŞ-ın BMT qarşısında İranla bağlı öhdəliklərini pozmağa davam etməsi pislənib
İranın Xarici İşlər Nazirliyi, Nyu-Yorkdakı BMT yanındakı İran nümayəndəliyinə qarşı məhdudiyyətlərin daha da sərtləşdirilməsini pisləyib və İranın qanuni hüquqlarının pozulmasının qarşısını almaq üçün BMT baş katibindən daha ciddi müdaxilə tələb edib.
İranlı diplomatların yaşayış yerlərinə və gediş-gəlişlərinə qoyulan geniş məhdudiyyətlər, bank hesabları ilə bağlı təzyiqlər, hətta gündəlik alış-verişə qədər tətbiq edilən qadağalar — bütün bunlar diplomatların adi və qanuni vəzifələrinə mane olmaq üçün hazırlanmış təzyiq və təxribat kimi qiymətləndirilib.
ABŞ Dövlət Departamentinin Nyu-Yorkdakı İran nümayəndəliyində çalışan üç nəfərin fəaliyyətini dayandırmaq qərarı isə ABŞ-ın ev sahibi kimi öhdəliklərini açıq şəkildə pozmasının zirvəsi kimi dəyərləndirilir və bu ölkənin BMT-yə ev sahibliyi etməyə layiqli olub-olmadığını daha da şübhə altına qoyur.

