“Əl-Əqsa Tufanı” əməliyyatı və onun nəticələri

Əl-Əqsa Tufanı əməliyyatı Fələstin müqavimət qüvvələrinin İsrail rejiminə qarşı 2023-cü il 7 oktyabr ayında başlatdığı və bir neçə gün davam edən strateji və hərbi əməliyyatdır. Bu əməliyyat, xüsusiylə Qəzzə zolağı və İsrail rejiminin müxtəlif bölgələrində aparılmış hücum və müdafiə fəaliyyətlərini əhatə edir.
Əməliyyatın başlıca məqsədi Fələstin xalqının azadlıq və müstəqillik uğrunda mübarizəsini irəli aparmaq, İsrail rejiminin işğalçı siyasətinə qarşı müqavimət və mübarizəni artırmaq və beynəlxalq ictimaiyyətin diqqətini Fələstin məsələsinə yönəltmək olmuşdur.
Əl Əqsa Tufanı əməliyyatı bir neçə gün davam etsə də, çox böyük nəticələri arxasınca gətirdi. Bu nəticələr dünyanın, xüsusəndə Yaxın Şərqin gedişatını dəyişdirəcək qədər əhəmiyyətli bir əməliyyat hesab edilir. Bu nəticələrə baxdıqda əməliyyatın necə geniş miqyaslı və strateji əhəmiyyətə malik olduğunu açıq şəkildə görmək olar.
“Əl-Əqsa Tufanı” əməliyyatının tarixi nəticələri:
1. Əl-Əqsa Tufanı əməliyyatı Fələstinin azadlığı uğrunda ilk rəsmi və ciddi cəhddirƏməliyyat, Fələstin müqavimət qüvvələri tərəfindən təşkil olunmuş ilk böyük və planlı hərbi cəhd kimi tarixdə yer alır. Bu, yalnız təsadüfi hücumlar deyil, tam şəkildə planlaşdırılmış və strategiyaya əsaslanan əməliyyat olmuşdur. Əməliyyatın məqsədi Fələstin torpaqlarının azadlığına nail olmaq və İsrail rejiminin işğal siyasətinə qarşı ciddi müqavimət göstərmək idi. Bu hadisə, Fələstin xalqının tarixində bir dönüm nöqtəsi olaraq qəbul edilir və gələcək müqavimət addımlarına ilham mənbəyi olmuşdur.
2. İsrailin təhlükəsizlik doktrinasının iflasıƏməliyyat İsrail rejiminin uzun illər ərzində qurduğu təhlükəsizlik doktrinasının sınaqdan çıxarılması ilə nəticələndi. Əməliyyat göstərdi ki, İsrail rejiminin qabaqcıl hərbi texnologiyası və təhlükəsizlik sistemləri müqavimətin strateji və qəfil hücumlarına qarşı həmişə təsirli ola bilmir. Bu, yalnız hərbi məğlubiyyət deyil, həm də rejimin öz təhlükəsizlik konsepsiyasına olan etibarının sarsılması demək idi.
3. İsrai rejiminin hərbi güc mifinin dağılmasıƏl-Əqsa Tufanı əməliyyatı İsrailin sarsılmaz hərbi güc imicini sarsıtdı. Əməliyyat zamanı göstərilən müqavimət və qarşıdurmalar İsrail rejimin in möhkəm və hər cəhətdən qələbəyə hazır ordusuna dair miflərin gerçək olmadığını ortaya qoydu. Bu, regional və beynəlxalq səviyyədə İsrail rejiminin hərbi dominantlığının illüziya olduğunu göstərdi.

4. İsrail rejiminin bütün müharibə məqsədlərində məğlubiyyətiBu əməliyyat nəticəsində İsrail planlaşdırdığı bütün strateji və hərbi məqsədlərə nail ola bilmədi. Müqavimətin təsirli müdafiə və hücum tədbirləri, sionist İsrail rejiminin əməliyyatlarını qeyri-effektiv hala gətirdi. Bu, həm Fələstin xalqının motivasiyasını artırdı, həm də beynəlxalq ictimaiyyətdə İsrailin mövqeyinə mənfi təsir göstərdi.
5. Sionist təbliğatının dünya miqyasında ifşasıƏl Əqsa Tufanı əməliyyatı sionist rejiminin dünya ictimaiyyətinə təqdim etdiyi ədalətli və təhlükəsiz dövlət imicinin saxta olduğunu açıq şəkildə göstərdi. Beynəlxalq media və insan haqları təşkilatlarının yayımladığı məlumatlar rejimin təbliğatını ifşa etdi və Fələstin xalqının haqsızlığa məruz qalmasını dünya ictimaiyyətinə çatdırdı.
6. Fələstinin həqiqi tarixinin bərpasıƏməliyyat Fələstinin uzun illər boyunca əzab çəkməsi və tarixi haqlarının təhrif olunması məsələsini yenidən gündəmə gətirdi. Müqavimət, Fələstinin həqiqi tarixini və xalqın haqq mübarizəsini dünya ictimaiyyətinə təqdim etməklə tarixi ədalətin bərpasına xidmət etdi.
7. Müqavimətin köklərinin Fələstin xalqı arasında güclü olduğunu təsdiqləməkƏməliyyat göstərdi ki, müqavimət yalnız bir hərbi və siyasi cəhd deyil, eyni zamanda Fələstin xalqının dərin köklərə sahib milli və ictimai dəyərlərinin ifadəsidir. Bu əməliyyat gələcək nəsillərə müqavimətin və azadlıq uğrunda mübarizənin əsasını qoydu.
8. Müqavimətin iradəsinin İsrail rejiminə qəbul etdirilməsiƏməliyyat nəticəsində İsrail rejiminin siyasətçiləri və hərbi rəhbərliyi müqavimətin iradəsi ilə üzləşdi. Bu, rejimin Fələstin xalqına qarşı təzyiqlərində dəyişiklik etməyə məcbur etməklə, müqavimətin siyasi və strateji təsirini göstərdi.
9. Müqavimətin müxtəlif sahələrinin birliyiƏməliyyat müqavimət qüvvələrinin həm hərbi, həm siyasi, həm də diplomatik sahələrdə birləşərək daha effektiv fəaliyyət göstərə biləcəyini ortaya qoydu. Bu isə, gələcəkdə müqavimətin həm Fələstin daxilində, həm də beynəlxalq səviyyədə daha təsirli olmasını təmin etdi.

10. Qərbin və müttəfiqlərinin həqiqi simasının ifşasıBu əməliyyat qərb ölkələrinin, xüsusiylə ABŞ və Avropanın İsrailə olan dəstəyini və ikili standartlarını açıq şəkildə göstərdi. Beynəlxalq ictimaiyyətin insan haqları və ədalət prinsipləri ilə bağlı səslərinin necə selektiv olduğunu ortaya çıxardı.
11. Sionist-ərəblər arasında “Abraham Sazişi” adlanan normallaşma cəhdlərinin susdurulmasıƏl əqsa Tufanı əməliyyatı İsrail rejiminin ərəb ölkələri ilə normallaşma cəhdlərini, xüsusiylə Abraham Sazişi çərçivəsindəki danışıqları diqqətdən kənar qoydu. Fələstin məsələsinin yenidən dünya gündəminin mərkəzinə çıxması bu cəhdlərin effektivliyini azaltdı.
12. Mahmud Abbasın rəhbərlik etdiyi sülh və uzlaşma cəhdlərinin zəifləməsiFələstin daxilində uzlaşma və sülh cəhdləri, xüsusiylə Mahmud Abbasın rəhbərliyi altında aparılan danışıqlar əməliyyat nəticəsində xalqın diqqətini itirdi. Bu, müqavimətin milli liderliyə və hərbi strategiyaya üstünlük verdiyini göstərdi.
13. Fələstin mövzusunun qlobal diqqətə qaytarılmasıƏməliyyat beynəlxalq media və dövlətlərin diqqətini Fələstin məsələsinə yönəltdi. Bu, yalnız diplomatik müzakirələrdə deyil, həm də beynəlxalq hüquq və insan haqları sahəsində də Fələstin mövzusunun yenidən əsas prioritet olmasına səbəb oldu.
14. Qəzzə xalqının dünyaya tanıdılması və onların haqsızlıqlarının nümayişiBu əməliyyat Qəzzədə yaşayan insanların yaşadığı dəhşətli vəziyyəti dünyaya nümayiş etdirdi. Bu, qlobal səviyyədə həm insan haqları təşkilatlarının, həm də ölkələrin diqqətini Fələstin xalqının əzablarına çəkdi.
15. Dünya miqyasında İsrailin cinayətlərinə qarşı etiraz dalğasıƏməliyyat dünyanın müxtəlif ölkələrində İsrailin hərbi və siyasi cinayətlərinə qarşı böyük etiraz dalğası yaratdı. Bu, yalnız nümayişlərdə deyil, həm də siyasi qərarların qəbul edilməsində və beynəlxalq təşkilatların fəaliyyətində əksini tapdı.

16. Fələstinin dövlət kimi tanınması üçün beynəlxalq dəstəyin artmasıƏməliyyat nəticəsində bir sıra ölkələr Fələstinin müstəqil dövlət kimi tanınmasını dəstəkləməyə başladılar. Bu, Fələstin məsələsinin diplomatik səviyyədə irəliləməsinə və beynəlxalq hüquq çərçivəsində tanınmasına kömək etdi.
17. Qlobal həmrəylik və dəstək nümayişiƏməliyyat, dünya ölkələrinin və xalqlarının müəyyən bir mövzu ətrafında uzun müddət və geniş miqyasda həmrəylik göstərməsini təmin etdi. Bu, beynəlxalq həmrəylik nümunəsi olaraq tarixdə xüsusi yer tutur və gələcəkdə qlobal ictimaiyyətin diqqətini cəmləşdirmək üçün nümunə oldu.
“Əl-Əqsa Tufanı” əməliyyatı Fələstin xalqının müqavimət tarixində mühüm bir dönüm nöqtəsi olaraq qalacaq. Bu əməliyyat yalnız hərbi və siyasi uğurlar gətirməklə kifayətlənmədi, eyni zamanda Fələstin xalqının haqq mübarizəsini dünya ictimaiyyətinə nümayiş etdirdi, İsrailin hərbi güc mifini sarsıtdı və beynəlxalq səviyyədə ədalətin bərpasına zəmin yaratdı.
Bu əməliyyatdan sonra Qəzzədə yaşayan insanlar ağır əzablara və soyqırım təhdidlərinə məruz qalsalar da, əməliyyat gələcək qələbələrin, Fələstin müqavimətinin iradəsinin güclənməsinin və İsrail rejiminin varlığına son qoyulması prosesinin əsasını qoydu. Əl-Əqsa Tufanı əməliyyatı Fələstin xalqının azadlıq uğrunda sarsılmaz əzmini və gələcəkdəki qələbələrin ilkin mərhələsini simvolizə edir.
Sadiq Vəid
Təhlil şöbəsi
Fərqli baxış

