Kateqoriyasız

Bakı Beynəlxalq Kitab Sərgisi 23 ölkədən 68 xarici və 123 yerli nəşriyyatın iştirakı ilə açıldı

hajiinfo

Xalq yazıçısı, Azərbaycan Yazıçılar Birliyinin birinci katibi Çingiz Abdullayev və Azərbaycan Nəşriyyatları Assosiasiyasının rəhbəri Şəmil Sadiq də çıxışlarında sərginin əhəmiyyətini vurğulayıblar.

Sonra tədbir iştirakçıları sərginin fəxri qonaq ölkəsi Qətər Dövlətinin, Türkiyə, Gürcüstan, Rusiya və başqa ölkələrin stendləri ilə tanış olublar.

Qeyd edək ki, sərgidə 23 ölkədən 68 xarici təşkilat (Türkiyə, İtaliya, ABŞ, Argentina, İngiltərə, Litva, Qətər, İndoneziya, İspaniya, Çin, Cənubi Koreya və s.) və 123 yerli nəşriyyat, poliqrafiya və kitab sənəti ilə məşğul olan müəssisə iştirak edir. İspaniya, Küveyt və İndoneziya Bakı sərgisinə ilk dəfə qatılır.

Sərgi çərçivəsində təqdimat zonalarında, stendlərdə, konfrans otaqlarında ümumilikdə 220-dən çox tədbirin keçirilməsi nəzərdə tutulur.

Sərginin fəxri yazarları tanınmış şair Rüstəm Behrudi və şair-esseist, tərcüməçi Qismət Rüstəmovdur.

Xatırladaq ki, sərgi zamanı gün ərzində ziyarətçilərin metronun “Elmlər Akademiyası”, “28 May” və “Koroğlu” stansiyalarından Bakı Ekspo Mərkəzinə xüsusi avtobuslar vasitəsilə gediş-gəlişi təmin ediləcək.

Sərginin iş vaxtı 10:00-dan 20:00.

Sərgiyə giriş ödənişsizdir.

Fərqli baxış

Leave a comment

Your email address will not be published. Required fields are marked *

Are you human? Please solve:Captcha